Sar man zaginiav andre o romano giniben, zadikhav andro romano teatros vaj zašunav andre o romane giľa, aven mange pre duma ča ajse lava sar hin: jagalipen, zoralipen, dživipen.
The ade magazinoskro avridinipen has ajso. Bare vakeribena pal e kultura, the oda so kerde avri o Roma, zorale paramisi – čačikane the na čačikane, the pro agor o rodipen le romane gendaloskro koterora. Charne agorestar, has oda aver, šaj esencialnoneder, no pro čačipen našti bisteraha. Pačas, kaj pre dal tumende aja edicija –rajkane džene – save les ginena avela ajso kaj pre oda nabisterena.
Rakhena adaj o liľa so irinde o prindžarde džene sar e Zlatica Rusová, o Braňo Olah vaj o Michal Šamko the aver, rakhena adaj the neve terne godžaver džene, pre save mek ča e luma na čak o romano giniben užarel.
Aver khatar o prozake irišaga šaj te ginaven the o recenziji pal o kenvi pal o romano giniben, igen šukar vakeribena le dženenca, so irinde romane paramisi pal o dživipen, the aver irišaga.
O avrikidle irišaga andar e slovačiko čhib das avri the andre romani čhib. Savore irišaga andre e romani čhib šaj arakhen adaj vaj andro irišagengro avrikidľipen. O avri kidle irišaga prethode andre romani čhib e Lydia Gabčova, e Erika Godlova prethodžas o irišaga le Braňostar Olahostar the la Maria Hušovatar u e Zlatica Rova prethodžas korkori peskre irišaga.
Mangas tumenge šukar giniben!
(Text do rómskeho jazyka preložila Lýdia Gabčová.)
(1994) vyštudoval žurnalistiku na Filozofickej fakulte Univerzity Komenského v Bratislave. Píše romány, poviedky a blogy. Debutoval románom Príbeh nekonečných koncov (Marenčin PT, 2022), za ktorý v roku 2023 získal Prémiu Ceny Ivana Kraska za najlepší debut. V súčasnosti pripravuje na vydanie ďalší román s názvom Chopinova platňa. Je členom umeleckého zoskupenia Cult Creative a šéfredaktorom magazínu súčasnej prózy MORE.