Andro jek gav, pre jek baruno kopcos terdžolas jek baro kaštuno kerestos. O Roma vakeren že paž koda kerestos darekana muľa jek manuš. Sas furt korkoro nasas les niko, sas les ča baro kalo gerekos.Vakerel pes že džanelas te kerel čari. O Roma pes lestar daranas a nadžanas paž leste bo sas čudakos.
Phirlas furt aro kalo gerekos pale osada až jek džives terdžiľa pažo kerestos kľekindza a muľa. Ole dživesestar pes vakerel že te džaha kole smeroha so džalas ov a predžaha khatar koda kerestos kodi isto Ora šaj les ode dikes.
Jekhvar rači e phuri daj vakerelas le čavenge paramisa, aľe on ča asanas hoj oda nane čačo. Nakamenas te pačal le lavenge the poverenge so vakernas o phureder manuša, dodikhado e dar nisostar len pokušinlas. E zor o nadžanľipen pes mišinlas la nalačaha zoraha po kim kheldžas avry e khamaduňi zor. Jekhetane pes irzinenas zorales. Denašles pociches andalo tate pernici a gele avry andre tači rat. Gele pažo krestos pro baruno kopcos. Sas imar pal jepa rat sar gele pre maľa kole isteha dromeha sar pašo baruno kopcos. Sas cicho kaľi rat o čonoro labolas zorales švicinlas pre sovaduno taboris.
Sar džanas upre kole baruneha kopcoha, pociches khatalende pregeľas manuš. O muj leske nadičolas, ča o jakha leske labonas andro kham le čonoreske. Džalas sar tebi lecinlas pre oda baruno drom, leskro ušťariben našundžolas. O čave ačile te terdžol nadžanenas, so te kerel ča pes zorales chudle vastendar. Kerde paťiv ole manušeske ov nič naphendžas, ča džalas dureder.
Sar kamle tedzal dader ole thanestar, dikhle, že nasti araken odrom kere. Phirenas dookola pal odi isto maľa . He palo baro kopcos furt pal koda jek isto than ale nadzanle sar odarik teviavel.
Dičolas lenge že dzan bud, možno he duj ori. bo pre oda than le kerestoha. sas sarkaj pokerde. Sar kaj te o baro drom he o kerestos lenca kerlas so kamelas. Jekvareste gele tele le dromeha a zrazu peske duminenas že hine pale pažo kerestos. Phirenas khataro jek stromos he khataro jek than dookola . Phirnas palkoda dromoro opre tele sar začarimen.Sar kaj te iľahas andre daresavo labirintos. A so te pes lenca ca e rat bavinlas? Abo koda manuš so muľa? A tak phirnas až kim len nadukanas o pindre .Až dikle kole romes. Bešelas peske cichones pažo kerestos he delas duma ke peste no pre lende ani nadikľa.O čavore pes rozdenašle grevčinenas la daratar a denašenas keci pes ča delas.
Jekvareste pes lenge o drom sikadža a andža len ži pažo lengere khera . Sas ode avka sik že nasti peske dopačane že imar hine khere a andro peskere pernici.Gele telo tate perinici so khere mukle zagarude pes andre a gondoľinenas peske vareso.
Sas het ča sikra? Abo pes ča lenge savoro zdelas? No ale o dukhade pindre he o melale gada lenge phnenas hoj varekaj rači sas. Zagarude pes aro pernici, a la daratar naphende ani lavoro a gele te sovel . Aľe pre kody bari maľa imar nigda nagele. Ani akana choč hine dospela a imar len hin čhave.
